ЛАВИРИНТ Archives - Page 2 of 5

Луѓето во Бејрут спијат по улици и плажи зошто зградите се таргетирани

Интервју со наградуваната хуманитарка од Бејрут, Марина Ел Каванд

Војната на Блискиот Исток се разгорува. По нападите кои ги изврши Иран врз Израел, Ираел почна жестоко бомбардирање на неговиот сателит Хезболах во Либан и ги продолжи жестоките напади кон Појасот Газа. Во овој Лавиринт разговараме со наградуваната хуманитарка и борец за еднаков и бесплатен пристап до медицинска заштита, Марина Ел Каванд.

Разговаравме за моменталната состојба во Либан со бегалците и луѓето кои среде ноќе добиваат наредби за евакуација, за основните потрби за вода, храна и медикаменти, како и за улогата која ја има Хезболах во либанското општество.

Гледајте ја целата епизода.

Лавиринт ја проследи конститутивната седница ЕУ-МК во Европскиот Парлмент

Лавиринт ја проследи конститутивната седница ЕУ-МК во Европскиот Парлмент кој сега има ново парламентарно мнозинство.

За претседаравач беше избран Карло Реслер од хрватската ХДЗ која е член на мнозинската парламентарна група на Европската Народна Партија. Тој во изјава за Лавиринт вели дека е поддржувач на нашиот евроинтегративен пат и дека Парламентот ќе се обиде да одигра конструктивна улога во надминување на проблемите.

Димитрова: Сите ја поддржаа кандидатурата на Захариева за ЕК

Разговор со новинарката Димитрова за состојбите во Бугарија и македонското прашање.

Бугарија се наоѓа пред седмите парламентарни избори и веќе три години е во политичка криза поради неможноста да избере стабилна Влада. Во предизборието, Македонија уште повеќе е дел од реториката на политичките претенденти и се чини како тоа да е единствената точка по која тие се согласуваат.

Гостинка во ова издание на Лавиринт е новинарката Тоња Димитрова од Националниот сервис со која разговаравме не само за изборите, туку и за одлуките на Европскиот суд за човекови права кои Бугарија не сака да ги спроведе, Уставните измени кои ги бараат од нас, како и за проблемите кои Захариева ги има во политичката кариера кон европските институции.

Гледајте ја целата епизода.

Приведениот за обид за атентат го запознавме сите во Киев пред две години

Човекот што низ Киев шеташе брендиран во боите на својата држава, тргна против неа

Сите кои беа во Киев летото 2022 година, неизбежно го сретнаа приведениот за обид за атентат врз претседателскиот кандидат на САД, Доналд Трамп. Меѓу нив и авторката на Лавиринт, Кристина Атовска.

Во ова издание ги вклучуваме хуманитарецот од Германија, Кристијан Луц и новинарката од Италија, Кристина Брондони кои исто така го запознаа човекот во центарот на Киев.

Профилирањето како алатка во борбата против современиот криминал

Криминалистичкото профилирање во светот е клучот за откривање на непознатите извршители на кривични дела.

Може ли профилирањето како светски прифатена алатка во криминалистиката да помогне во побрзо откривање на непознати сторители и расчистување на бројни кривични дела во овој регион?

Треба ли формализација на профилистиката во рамки на полициско-истражните институции и законски измени со цел имплементирање на овие истражни техники?

За профилирањето како комплот на психолошко-криминалистички техники и неговата примена во регионот и светот, гледајте го новото издание на Лавиринт.

Предизвиците кои стојат пред Европската Унија во пост-ковид ерата

Анализа на состојбата во Европа во очи воените конфликти, економските проблеми и општествената пост-ковид консолидација.

Форумот Ервопеум кој се одржа во организација на Институтот за Европска политика даде осврт на досегашната состојба со механизмите за владеење на правото во ЕУ и механизамот за раст на унијата, во чии рамки се дискутираше напредокот на земјите аспиранти на патот кон ЕУ кога е во прашање владеењето на правото.

Ваквите настани имаат за цел унапредување на реформите кои земјите кандидатки може да ги преземат уште пред зачленувањето, правејќи ги силен кандидат со спроведени внатрешни реформи со цел европеизација на општествено-институционалната околина во овие држави.

Патот кон Унијата е поплочен со успешно спроведени реформи, но дачи Македонија се изгуби на патот кон ЕУ?

Може ли да се победи корупцијата која е главен проблем на државава кога е во прашање европеизацијата?

Како да го ослободиме судството од синџирот на политичко и бизнис заробеништво – Законите се донесени, но колку се спроведуваат?

Гледајте го новото издание на Лавиринт и дознајте што е следно во битката за членство во ЕУ, каде е Македонија на мапата и ќе се изнајде ли вистинската рута до интеграција. Наш гостин во ова издание е Беба Жагар од Институтот за Европска политика.

Франција со предизвик да состави Влада – НАТО со нови Декларации

Јавување од Вашингтон и Анализа од Париз

Најголемата воена Алијанса ја одбележа 75 годишнината од своето постоење со Самит во чиј фокус е војната на европско тло. Лидерите на земјите членки се собраа во американската престолнина да ја потврдат заложбата за помош на Украина. Дел од нив, ги искористија маргините на Самитот за средби поврзани со билатерални прашања. Средба на македонскиот и грчкиот премиер не се случи, а новинарските кулоари велат дека немало интерес на големите сили да дискутираат за вакви прашања во рамки на Самитот. Од прес собата во Вашингтон ја вклучуваме воената репортерка и коресподент за висока политика од Романија, Кристина Чилеаку. Освен што Алијансата ги потврди заложбите за помош на Украина, Чилеаку не информира и за останатите договорени стратешки определби, како декларирање на Кина за земја помагач на руската агресија. Ја замоливме Чилеаку да ги проследи и средбите на македонскиот премиер.

Од француската престолнина пак, разговараме со советник во француското Собрание на теми поврзани со големиот пресврт кој се случи на изборите. Советникот Матијас Васкез од редовите на партијата на Макрон зборува за расположението на гласачите и за постапките на партиите кои водеа до ваков пресврт. Во моментов, главниот предизвик со кој се соочува Франција е изборот на премиер, за кој се чини дека победничката коалиција има потешкотии да го избере. Васкез е добар познавач на македонските и балканските состојби со оглед на фактот дека претходно бил на мисии во овие земји, па го искористивме ова јавување за да го прашаме и за мислење за францускиот предлог кој се наметна по бугарските најави за вето.

Погледнете ја целата емисија.

Халили: Изборот на оваа Влада е добар настан за демократијата

Анализа на македонските надворешнополитички стратегии

Пописот во Албанија поразителен за Македонското малцинство – засилена безбедност потерористичкиот напад во Белград

Јавувања од Тирана и Белград

Генерал Арсоски за потенцијалните разврски на активните војни

Анализа со Генерал Арсоски за македонските односи со соседите и за глобалните воени играчи

Гостин во ова издание на Лавиринт е Генерал Мајор Павле Арсоски кој на последните избори беше избран и за пратеник во македонското Собрание од редовите на новата политичка партија ЗНАМ. Разговаравме за идните чекори на македонската Влада во однос на почитувањето на меѓународните договори, како и за односите меѓу коалиционите партнери. Генералот вели дека околу почитувањето на меѓународните договори веќе се е јасно, а тоа е дека договорите ќе се почитуваат онаму кадешто треба, а Владата ќе вложи големи напори за да ги подобри добрососедските односи.

Со Генералот Арсоски разговаравме и за регионалните отворени прашања, како и за активните воени жаришта и можноста за нивно завршување. Генералот Арсоски го повтори ставот дека нападната страна има право да се брани, а крајот на двете активни војни го гледа во многу блиска иднина. За новиот Генерален Секретар на НАТО, Руте смета дека е одличен избор за Алијансата.

Погледнете го цело интервју.

ЛАВИРИНТ