Денот кога во Скопје запре времето
26.7.1963 5:17
Катастрофалниот земјотрес го разруши Скопје до темели. Веленовела ќе се наврати на најтажниот скопски ден.
https://www.youtube.com/watch?v=kOacQtp0xIs
Профилирањето како алатка во борбата против современиот криминал
Криминалистичкото профилирање во светот е клучот за откривање на непознатите извршители на кривични дела.
Може ли профилирањето како светски прифатена алатка во криминалистиката да помогне во побрзо откривање на непознати сторители и расчистување на бројни кривични дела во овој регион?
Треба ли формализација на профилистиката во рамки на полициско-истражните институции и законски измени со цел имплементирање на овие истражни техники?
За профилирањето како комплот на психолошко-криминалистички техники и неговата примена во регионот и светот, гледајте го новото издание на Лавиринт.
https://www.youtube.com/watch?v=Q_fB-El9rSI
Веленовелски омнибус
Од сите епизоди, по малку
Редно е да направиме пресек на се што сме гледале досега. Веленовела овојпат ќе се прошета низ – Веленовела. Уживајте!
https://www.youtube.com/watch?v=aQgzW3lmdYE
Предизвиците кои стојат пред Европската Унија во пост-ковид ерата
Анализа на состојбата во Европа во очи воените конфликти, економските проблеми и општествената пост-ковид консолидација.
Форумот Ервопеум кој се одржа во организација на Институтот за Европска политика даде осврт на досегашната состојба со механизмите за владеење на правото во ЕУ и механизамот за раст на унијата, во чии рамки се дискутираше напредокот на земјите аспиранти на патот кон ЕУ кога е во прашање владеењето на правото.
Ваквите настани имаат за цел унапредување на реформите кои земјите кандидатки може да ги преземат уште пред зачленувањето, правејќи ги силен кандидат со спроведени внатрешни реформи со цел европеизација на општествено-институционалната околина во овие држави.
Патот кон Унијата е поплочен со успешно спроведени реформи, но дачи Македонија се изгуби на патот кон ЕУ?
Може ли да се победи корупцијата која е главен проблем на државава кога е во прашање европеизацијата?
Како да го ослободиме судството од синџирот на политичко и бизнис заробеништво – Законите се донесени, но колку се спроведуваат?
Гледајте го новото издание на Лавиринт и дознајте што е следно во битката за членство во ЕУ, каде е Македонија на мапата и ќе се изнајде ли вистинската рута до интеграција. Наш гостин во ова издание е Беба Жагар од Институтот за Европска политика.
https://www.youtube.com/watch?v=DiNY3dvaqGs
Нетипична Веленовела
Од се по малку
Франција со предизвик да состави Влада – НАТО со нови Декларации
Јавување од Вашингтон и Анализа од Париз
Најголемата воена Алијанса ја одбележа 75 годишнината од своето постоење со Самит во чиј фокус е војната на европско тло. Лидерите на земјите членки се собраа во американската престолнина да ја потврдат заложбата за помош на Украина. Дел од нив, ги искористија маргините на Самитот за средби поврзани со билатерални прашања. Средба на македонскиот и грчкиот премиер не се случи, а новинарските кулоари велат дека немало интерес на големите сили да дискутираат за вакви прашања во рамки на Самитот. Од прес собата во Вашингтон ја вклучуваме воената репортерка и коресподент за висока политика од Романија, Кристина Чилеаку. Освен што Алијансата ги потврди заложбите за помош на Украина, Чилеаку не информира и за останатите договорени стратешки определби, како декларирање на Кина за земја помагач на руската агресија. Ја замоливме Чилеаку да ги проследи и средбите на македонскиот премиер.
Од француската престолнина пак, разговараме со советник во француското Собрание на теми поврзани со големиот пресврт кој се случи на изборите. Советникот Матијас Васкез од редовите на партијата на Макрон зборува за расположението на гласачите и за постапките на партиите кои водеа до ваков пресврт. Во моментов, главниот предизвик со кој се соочува Франција е изборот на премиер, за кој се чини дека победничката коалиција има потешкотии да го избере. Васкез е добар познавач на македонските и балканските состојби со оглед на фактот дека претходно бил на мисии во овие земји, па го искористивме ова јавување за да го прашаме и за мислење за францускиот предлог кој се наметна по бугарските најави за вето.
Погледнете ја целата емисија.
https://www.youtube.com/watch?v=cTYtdTnLqbQ
Хилтон VS Куршумли Ан
Дали некогаш сте се запрашале како изгледал туризмот во минатото?
Халили: Изборот на оваа Влада е добар настан за демократијата
Анализа на македонските надворешнополитички стратегии