ЛАВИРИНТ Archives - Page 4 of 6

Франција со предизвик да состави Влада – НАТО со нови Декларации

Јавување од Вашингтон и Анализа од Париз

Најголемата воена Алијанса ја одбележа 75 годишнината од своето постоење со Самит во чиј фокус е војната на европско тло. Лидерите на земјите членки се собраа во американската престолнина да ја потврдат заложбата за помош на Украина. Дел од нив, ги искористија маргините на Самитот за средби поврзани со билатерални прашања. Средба на македонскиот и грчкиот премиер не се случи, а новинарските кулоари велат дека немало интерес на големите сили да дискутираат за вакви прашања во рамки на Самитот. Од прес собата во Вашингтон ја вклучуваме воената репортерка и коресподент за висока политика од Романија, Кристина Чилеаку. Освен што Алијансата ги потврди заложбите за помош на Украина, Чилеаку не информира и за останатите договорени стратешки определби, како декларирање на Кина за земја помагач на руската агресија. Ја замоливме Чилеаку да ги проследи и средбите на македонскиот премиер.

Од француската престолнина пак, разговараме со советник во француското Собрание на теми поврзани со големиот пресврт кој се случи на изборите. Советникот Матијас Васкез од редовите на партијата на Макрон зборува за расположението на гласачите и за постапките на партиите кои водеа до ваков пресврт. Во моментов, главниот предизвик со кој се соочува Франција е изборот на премиер, за кој се чини дека победничката коалиција има потешкотии да го избере. Васкез е добар познавач на македонските и балканските состојби со оглед на фактот дека претходно бил на мисии во овие земји, па го искористивме ова јавување за да го прашаме и за мислење за францускиот предлог кој се наметна по бугарските најави за вето.

Погледнете ја целата емисија.

Халили: Изборот на оваа Влада е добар настан за демократијата

Анализа на македонските надворешнополитички стратегии

Пописот во Албанија поразителен за Македонското малцинство – засилена безбедност потерористичкиот напад во Белград

Јавувања од Тирана и Белград

Генерал Арсоски за потенцијалните разврски на активните војни

Анализа со Генерал Арсоски за македонските односи со соседите и за глобалните воени играчи

Гостин во ова издание на Лавиринт е Генерал Мајор Павле Арсоски кој на последните избори беше избран и за пратеник во македонското Собрание од редовите на новата политичка партија ЗНАМ. Разговаравме за идните чекори на македонската Влада во однос на почитувањето на меѓународните договори, како и за односите меѓу коалиционите партнери. Генералот вели дека околу почитувањето на меѓународните договори веќе се е јасно, а тоа е дека договорите ќе се почитуваат онаму кадешто треба, а Владата ќе вложи големи напори за да ги подобри добрососедските односи.

Со Генералот Арсоски разговаравме и за регионалните отворени прашања, како и за активните воени жаришта и можноста за нивно завршување. Генералот Арсоски го повтори ставот дека нападната страна има право да се брани, а крајот на двете активни војни го гледа во многу блиска иднина. За новиот Генерален Секретар на НАТО, Руте смета дека е одличен избор за Алијансата.

Погледнете го цело интервју.

Мицкоски го презема „кормилото“ – Какви се очекувањата од новата Влада?

Анализа на новиот владин состав со Сашо Орданоски

Старо парламентарно мнозинство – тектонски промени во некои земји членки поизборите во Унијата

Анализа со Андреја Стојковски: вропските избори и македонските билатерални односи со соседите

Европските избори завршија без промена во парламентарното мнозинство, но сепак со зголемување на бројот на пратеници на крајната десница. Составот на Европскиот Парламент можеби нема да претрпи големи промени, но промени се случуваат во домашната политика на земји членки со големо политичко влијание. Што ќе значи ова за Унијата и нејзините одделни политики во иднина анализираме со Андреја Стојковски од Преспа Институтот. Политиката за проширување, зелената агенда, како и Заедничката надворешна и безбедносна политика се дел од темите на кои разговаравме. Ги анализиравме и нашите заострени односи со соседите и очекувањата од идната македонска Влада кога се во прашање билатералните договори.

Жителите на ЕУ гласаат за својата иднина – Балканот останува во чекалиштето

Каков курс ќе заземе новата политичка гарнитура во ЕУ?

Соседите на Македонија повторно ја користат земјава за внатрешно политички цели, Европската Унија во изборен процес кој многу ги подели жителите на Унијата, новата европска гарнитура ја чекаат уште поголеми предизвици, воените жаришта се уште го делот светот – на овие теми во Лавиринт разговараме со политикологот Виктор Јакимовски.

Шпанците со поддршка за признавање на Палестина, но се исплашени од внатрешнитеосцилации на крајната десница

Стравува ли Шпанија од десничарска блокада на прогресивните аспирации?

Шпанија е една од државите која ја призна Палестина. Во нејзината престолнина, европската крајна десница го имаше најголемиот митинг пред претстојните европски избори. На овие теми разговараме со новинарот Роџер Персива од Мадрид кој во детали ни ја објасни ситуацијата во Шпанија и однесувањето на шпанските власти.

Втора гостинка во Лавиринт е политикологот и истражувач Соња Стојадиновиќ. Разговаравме за активните војни, како и за истражувањата на Стојадиновиќ кои се однесуваат на кинеските инвестиции и кредити на Балканот и во Европа.

Калач: Мала е веројатноста Нетанјаху да биде уапсен

Правна анализа на одлуката на Меѓународниот кривичен суд и постапките пред македонските судови.

Меѓународниот кривичен суд издаде налог за апсење на израелскиот премиер Бенјамин Нетанјаху, неговиот министер за одбрана и тројча челници на Хамас. Што тоа значи, кој би го уапсил Нетанјаху, но и каде е безбеден од кривичен прогон, разговараме со адвокатот Јасмин Калач. Калач не верува дека израелскиот премиер би патувал во држави потписници на Римскиот статут за да не биде приведе. Аргументот на Израел дека оваа одлука ги поистоветува двете страни не е издржана, смета адвокатот и вели дека судот донел ваква одлука затоа што не е селективен. Во меѓувреме, Шпанија, Ирска и Норвешка ја признаа палестинската држава.

Разговаравме и за двата правни процеси кои во моменов се водат во Македонија: Притворот за Врховниот судија Георгиев за земање поткуп, како и екстрадицијата на осомничениот за двојно убиство Палчо и почетокот на неговото судење. Погледнете ја целосната анализа.

Македонија доби нова Претседателка – Земји од Источна Европа се борат за демократија

Анализа на македонската дипломатија, Вклучување од Грузија и Украина за состојбите со протестите и војната.

Прв гостин во ова издание на Лавиринт е поранешниот Амбасдор на Македонија во Шведска и Романија, Тихомир Илиевски. Разговаравме за заклетвата која ја положи новата Претседателка и за реакциите кои ги предизвика кај нашите соседи. И покрај реакциите и потешкотиите во билатералните односи, дипломатот сепак е оптимист за евроинтеграцијата на Македонија, како и за нормализација на односите на целиот Балкан.

Во Грузија се случуваат масовни граѓански протести за законот за „странски агенти“ кој ја одалечува државата од европскиот пат, но и сериозно ја загрозува егзистенцијата и слободата на грузиските граѓани. Од Тбилиси, ни се вклучи Екатерине Басилаија – директорка на Центарот за медиумски и социјални истражувања на Грузија, која подетално ни објасни што претставува овој закон и зошто толкав број луѓе излегоа на улица. Разговаравме за употребата на прекумерна сила од страна на полицијата при апсењето мирни демонстранти и за правната борба да се заштитат приведените.

Во Лавиринт го вклучивме и доброволецот во Украинските одбранбени територијални сили, Володимир Сапехин. Володимир повеќе од две години оди до фронтовите и назад. Разговаравме за моменталната состојба на фронтовите, за напредокот на руските сили во харковскиот регион, но и за неговите личните чувства за двете реалности кои ги живее..

ЛАВИРИНТ