Анализа со Иво Рангеловиќ
Терористичкиот напад во Москва, зголемената безбедност во европските држави, Унијата меѓу желбите за борба против климатските промени и незадоволството на земјоделците и европските избори во фокус на разговорот со политичкиот аналитичар Иво Рангеловиќ. Терористичкиот напад му направи уште поголеми внатрешни проблеми на Путин и затоа му беше потребно алиби и впрерување на прстот кон Украина, но еден ден тој ќе требаа тоа да го објасни на граѓаните е еден од заклучоците од разговорот. Во однос на растргнaтоста на Европската Унија помеѓу климатските и земјоделските политики, Рангеловиќ смета дека Унијата ќе мора да попушти и да ги заштити земјоделците.
Накратко во Лавиринт ви пренесуваме и мал дел од он лајн прес конференцијата со странските новинари на министерот за надворешни работи на Украина, Дмитро Кулеба.
-
Долидзе: Грузијците не се откажуваат од борбата за европска иднина – Ќе се протестира и завреме на празниците
Грузијците ќе ја пречекаат Новата Година на протести и нема да се откажат од својата европска иднина – вели првата опозиционерка од партијата For the people, Ана Долидзе. Долидзе е експерт по меѓународно право, до 2018 била правен советник на Претседателот, а потоа и член на Судскиот совет.
Во Лавиринт разговаравме за украдените избори и за руското хибридно влијание кое успеа да ја отргне земјата од евроинтегративниот пат. Протестите ескалираа, а употребата на водени топови и насилство од страна на полицијата, не ги предомисли Грузијците и понатаму да се борат за своите права. Околу 500 демонстранти, меѓу кои има и повредени, празниците ќе ги пречекаат во притвор. Со Долидзе разговаравме и за меѓународната поддршка и за санкциите кои ги наметнаа САД и Велика Британија за дел од грузијскоте власти, но не и Европската Унија.
-
Жени лидерки за обнова на Украина – Студенти за правда во Србија
Јавување од Киев и разговор за српските студентски блокади
Трета Нова Година Украинците ќе ја пречекаат со војна. Состојбата на фронтовите нема големи изгледи да се промени без политчко решение, но затоа активностите за правење планови за обнова на државата во поствоениот период, стануваат се поистакнати. Од Украина ја вклучуваме Ирина Дробович, основач на фондацијата The Day After со која разговараме за потребата однапред да се испланира и инспирира обновата на Украина.
Во Србија пак, протестите се масивизираа откако студентите од сите факултети стапија во блокада. Тие добија поддршка од професорите, а по нив почна да блокира и средношколскиот Сојуз. Нашиот режисер Леонид Велковски кој студира на Новосадскиот факултет исто така е гостин во денешното издание на Лавиринт. Разговараме за активностите и за барањата на српските студенти.
-
Профилирањето како алатка во борбата против современиот криминал
Криминалистичкото профилирање во светот е клучот за откривање на непознатите извршители на кривични дела.
Може ли профилирањето како светски прифатена алатка во криминалистиката да помогне во побрзо откривање на непознати сторители и расчистување на бројни кривични дела во овој регион?
Треба ли формализација на профилистиката во рамки на полициско-истражните институции и законски измени со цел имплементирање на овие истражни техники?
За профилирањето како комплот на психолошко-криминалистички техники и неговата примена во регионот и светот, гледајте го новото издание на Лавиринт.
