Се што треба да знаете за полиграфот
Овој Лавиринт го посветуваме на темата: детектирање на лагата. Двајцата искусни полиграфисти Никола Божиновски и Мирјанчо Атанасовски објаснуваат се што треба да знаеме за овој уред и преку симулација ни доловуваат како изгледа едно полиграфско тестирање. Освен тоа, во студиото го донесоа и новиот уред Eye Lie Detect со кој исто така направивме симулација за да покажеме како функционира. Разговаравме и за другите уреди и начини за детектирање на лага, но и за митот во кој сите веруваме дека може да се прелаже полиграфот. Разговаравме и за тоа дали и на кои здравствени состојби не може да се употребува уредот, за идејата за тестирање на цариниците, како и за финтите кои луѓето ги користеле во обид да ги изманипулираат резултатите. Полиграфистите во детали и научно ни објаснуваат зошто не е возможно да се изманипулира уредот и велат дека полиграфот, освен во безбедносните служби и криминалистиката, се почесто наоѓа примена и за расчистување на приватни и деловни прашања..
-
Пораката на српските студенти стигна до Парламентот во Стразбург – На ред е Брисел
Разговор со еден од велосипедистите кои извозеа 1500 километри
Велосипедистите кои возеа преку половина Еворпа за да достават порака до Европскиот Парламент во Стразбург, се вратија дома. Уште еден спектакуларен дочек им беше организиран во Нови Сад, по оние кои се случија во големите европски градови. Во овој Лавиринт го вклучуваме Вељко од техничкиот факултет во Нови Сад да ни раскаже за пораката која им беше предадена на европарламентарците и да ни ги пренесе искуствата од долгиот пат. Следен голем подвиг на српските студенти ќе биде трчање до Брисел.
-
БЕЗ НИТУ ЕДНО ТВ СООЧУВАЊЕ СО ОПОНЕНТИТЕ – ЕДИ РАМА ОСТАНУВА ПРЕМИЕР
Интервју со новинарот Ардит Хоџа
Албанскиот премиер Еди Рама четврти пат победи на парламентарни избори и останува на чело на албанската Влада. Новинарите во Албанија велат дека победата била очекувана, а она што е неочекувано е освоениот број на пратенички места. Албанија доби зелено светло за отворање на преговорите за влез во ЕУ, но од друга страна Рама го пратеа бројни корупциски скандали во изминатиот период. За изборниот резултат и за очекувањата од старо новата Влада разговараме со новинарот на Евроњуз Албанија, Ардит Хоџа.
Гледајте ја целата епизода.
-
Оберхубер: Не очекувам Германија да ја прекине поддршката за одржлив развој
Интервју со директорот на ГИЗ за Северна Македонија, Давид Оберхубер
За неразвиените или помалку развиените земји, финансиската поддршка од меѓународната заедница е исклучително важна. По големите промени кои се случија во САД, а ги погодија граѓанскиот сектор, дел од медиумите, како и државните институции, се наметнува прашањето дали и други држави ќе го следат истиот пример. Конкретно, денеска разговараме за тоа дали Германија ќе ја задржи досегашната политика да им помага на неразвиените. За ова разговараме со директорот на Германската организација за меѓународна соработка ГИЗ, Давид Оберхубер.
