Поглед на состојбата во Газа и политичките потези на глобалната шаховска табла.
Во овој Лавиринт гледаме уште едно ексклузивно јавување од Газа. Колегата Весам Табет раскажува за тоа како е да се биде новинар во најопасното место на Земјата.
Колегата Весам Табет има потреба од ваша помош. Секој што сака да помогне ве молиме стиснете тука.
Гостин во студиото аналитичарот Благојче Атанасовски со кого разговаравме за состојбата на Блискиот Исток и во Украина, но и за изборите во Европската Унија и за Балканската политика.
Според Атанасовски, Нетанјаху одамна ја има загубена поддршката на народот, а војната го отргна вниманието на јавноста од тоа незадоволство, се до последните протести кои ги прават роднините на киднапираните и студентите.
Што се однесува до апсењето Германци под сосмнение дека соработувале со кинеската тајна служба, Атанасовски вели дека тоа е во доменот на економскиот интерес на Кина која сака да го обнови „патот на свилата“.
-
Хитај: Откако Албанија ги реши билатералните спорови, битката со корупцијата е последниот чекор кон ЕУ
Апсењето на екс Претседателот Мета, мигрантските кампови и ЕУ патот на Албанија во фокусот на овој Лавиринт.
Албанија тргна во жестока борба против корупцијата – вака албанските граѓани гледаат на апсењето на поранешниот Претседател, Илир Мета. Со колегата Арбер Хитај од Репорт ТВ од Тирана, разговараме за апсењето и за довербата во Специјалното Обвинителство. Теми на разговор беа и мигрантскиот камп, како и евроинтеграциите, односно одблокираниот пат на Албанија и балканската тура на Претседателката на Европската Комисија, Урсула Фон дер Лајен која почна токму од Тирана.
По Тирана, Фон дер Лајен го посети Скопје. Од Владата, таа ги уверуваше граѓаните дека проширувањето останува во фокусот на европската агенда. Ниту Претседателката на ЕК Фон дер Лајен, ниту Премиерот Мицкоски не дадоа конкретен одговор на прашањето дали за ЕУ е прифатлив предлогот за одложена имплементација на евентуалните уставни измени.
-
Трамп се враќа во Овалната Канцеларија – Дали ќе ги сопре војните како што вети?
Американците се изјаснија – тројна победа за Републиканците.
Американците се изјаснија, го враќаат Трамп во Белата Kуќа. Лавиринт со јавувања од Тампа, Флорида и Синсинати, Охајо анализира како новиот Претседател дојде до оваа победа и како неговиот избор ќе се одрази на глобалната геополитика. Атмосферата од Флорида ни ја пренесува новинарката Џалиса Дугро, а анализата за идните чекори на Трамп на светската политичка сцена ја правиме со Професорот Иван Динев од Универзитетот во Синсинати.
Гледајте ја целата епизода.
-
Шпанците со поддршка за признавање на Палестина, но се исплашени од внатрешнитеосцилации на крајната десница
Стравува ли Шпанија од десничарска блокада на прогресивните аспирации?
Шпанија е една од државите која ја призна Палестина. Во нејзината престолнина, европската крајна десница го имаше најголемиот митинг пред претстојните европски избори. На овие теми разговараме со новинарот Роџер Персива од Мадрид кој во детали ни ја објасни ситуацијата во Шпанија и однесувањето на шпанските власти.
Втора гостинка во Лавиринт е политикологот и истражувач Соња Стојадиновиќ. Разговаравме за активните војни, како и за истражувањата на Стојадиновиќ кои се однесуваат на кинеските инвестиции и кредити на Балканот и во Европа.
