Голем број студенти се собраа на кампусот на УКИМ да изразат сочувство за настраданите во страшниот пожар во дискотеката во Кочани. Обраќања имаа ректорката и министерката за образование, а на неколкумина студенти им се слоши за време на едно од обраќањата. Режисерот Леонид Велковски за ИД Медиа го проследи овој собир и поразговара со претседателот на УСС – УКИМ и со неколкумина студенти.
За неразвиените или помалку развиените земји, финансиската поддршка од меѓународната заедница е исклучително важна. По големите промени кои се случија во САД, а ги погодија граѓанскиот сектор, дел од медиумите, како и државните институции, се наметнува прашањето дали и други држави ќе го следат истиот пример. Конкретно, денеска разговараме за тоа дали Германија ќе ја задржи досегашната политика да им помага на неразвиените. За ова разговараме со директорот на Германската организација за меѓународна соработка ГИЗ, Давид Оберхубер.
Градот Ниш никогаш не бил погласен. Буквално сите улици беа исполнети со луѓе дојдени од цела Србија да ги поддржат студентите кои бараат правда за страшната несреќа која одзеде 15 животи. По петдневното пешачење, студентите имаа сила цели 18 часа да стојат на нишките улици. Граѓаните им се придружија бидејќи, како што велат, барањата на студентите се барања на народот. Атмосферата беше многу емотивна, а прегратките беа честа глетка низ улиците. Студентите имаа културна програма, спортски и друштвени активности, а во главниот дел го прочитаа студентскиот едикт по што следеше и музичка програма. Градот беше полн до полноќ и потоа исчистен од страна на студентите и граѓани кои доброволно останаа да им помогнат.
Гледајте ја целата репортажа.
Со солзи во очите, гласни аплаузи и огномети се дочекувани српските студенти во секој град. По големиот собир во Крагуевац, студентите организираа и пешачење до Ниш. Тргнаа од неколку различни градови и пешачеа цели пет дена до крајната дестинација. Во знак на поддршка, им се приклучија и неколкумина граѓани, група маратонци, како и група велосипедисти, а локалците со силни овации и факели им организираа дочек. На целото свое патешествие, студентите имаа медицинска поддршка обезбедена од студентите по медицина, но и од медицински персонал од установите низ Србија кој волонтерски отидоа да им ги лечат раните. Погледнете ја репортажа од дел од патешествието на студентите, а утре следува вториот дел, осносно репортажа од големиот собир на 1ви Март.
In this episode we discuss the role of the religions in the post conflict period on the Balkans. How did the religions contribute to making peace and are we living in a harmonized society today? On these topics, Evi Shkopi is talking with the teologist and sociologist Musa Musai about the Islamic point of view, and Kristina Atovska is talking with the Professor and Priest Milan Gjorgjevic about the Orthodox point of view.
Watch the full episode.
Точно три години од почетокот на војната во Украина. По доаѓањето на власт на американскиот претседател Доналд Трамп, комплетно се промени поддршката на САД кон Украина и се зголеми притисокот за почнување мировни преговори. За тоа дали Украинците се подготвени да се откажат од ретките минерали и да ги исполнат барањата на Трамп, како и за јавното мислење во Украина за притисокот од САД, разговараме со Олена Халушка од Киев, ко-основач на Меѓународниот центар за украинска победа.
Партијата на Албин Курти, Самоопределување доби најмногу гласови на косовските редовни парламентарни избори. Ова се први редовни избори од осамостојувањео на Косово во 2008. Актуелниот премиер ќе мора да направи коалиција ако сака да ја заджи премиерската фотелја. Аналитичарите со кои разговаравме велат дека Курти има две опции, или коалиција со опозицијата или со малцинствата. Преговорите допрва почнуваат. Во кампањата која помина мирно, фокусот на политичарите претежно беше на етничките прашања, а фокусот на народот, сепак е на реалните општествени проблеми како економијата, отселувањето и корупцијата. За сите овие прашања, како и за меѓународните односи на Косово под водство на Албин Курти, разговараме со новинарката Вјоса Черкини во Приштина. Во Митровица раговаравме со политичкиот аналитичар Неџмедин Спахиу и во Северна Митровица ги прашавме граѓаните што мислат за овие избори.
Староновиот Претседател на САД, Доналд Трамп не престанува да го шокира светот. Идејата да се отселат жителите на Газа во друга земја, наиде на големо меѓународно незадоволство. Незадоволство и протести предизвика и одлуката да се затвори организацијата УСАИД која грантира многу сектори секаде низ светот. За овие теми, како и зза трговските политики на Трамп разговараме со професорот Иван Динев Иванов кој предава на Универзитетот во Синсинати. Професорот смета дека правосудниот систем ќе го спречи Трамп во намерата да ги депортира студентите кои протестирале за состојбата во Газа.
Голем број граѓани се собраа на Партизанска, на местото кадешто беше прегазена младата Фросина да побараат правда. Протестот продолжи до Собранието и заврши пред судовите. Граѓаните со молк изразија сочувство и голем дел од нив рекоа дека ќе продолжат да протестираат додека правдата не биде задоволена. На протестот присуствуваше семејството на младата Фросина, како и семејствата на претходните жртви на дивеењето на Партизанска.
Српските студенти не се откажуваат од блокади. По 24 часовната блокада на белградска Автокоманда, викендов ќе се блокира Нови Сад. Поминаа три месеци од страшната несреќа која однесе 15 животи и исто толку од блокадите на студентите кои ја разбудија цела Србија.
Во ова издание на Лавиринт разговараме со професорката од Правниот факултет во Белград, Александра Крстиќ која беше и кандидатка за член на РЕМ, регулаторното тело за надзор на електронските медиуми, но заедно со уште 6 професори ги повлекоа своите кандидатури поради бројни нерегуларности во процесот.
Разговараме и со колегата новинар, Никола Крстиќ кој е еден од новинарите кој се соочува со јавен линч и етикетирање од страна на провладини таблоиди.
