Интервју со воениот репортер Јан Јесен
Гостин во ова издание на Лавиринт е воениот репортер од Германија, Јан Јесен кој постојано е на релација Украина – Блиски Исток. Јесен штотуку се врати од Украина и вели дека веќе е јасно видлива исцрпеноста од двегодишната војна. Според него, недостатокот на оружје е причината зошто Русите ја освоија Авдиивка. Што се однесува на смртта на Навални, Јесен ја толкува како порака до рускиот народ.
Разговаравме и за состојбата во Европската Унија и нејзините обиди да дојде до единствен став кога се работи за воените жаришта и наметнувањето санкции. Годинава избори има и во Унијата, а Претседателката на Европската Комисија Урсула Фон дер Лајен, која доаѓа од Германија, ќе се трка за втор мандат на чело на Комисијата. Јан одговара на прашањето: Дали Фон дер Лајен ја има поддршката од Германците и како тие гледаат на европските избори.
-
Дали правосудниот систем и меѓународното право ќе ги спречат спорните идеи на Трамп?
Интервју со професорот Иван Динев од Универзитетот Синсинати
Староновиот Претседател на САД, Доналд Трамп не престанува да го шокира светот. Идејата да се отселат жителите на Газа во друга земја, наиде на големо меѓународно незадоволство. Незадоволство и протести предизвика и одлуката да се затвори организацијата УСАИД која грантира многу сектори секаде низ светот. За овие теми, како и зза трговските политики на Трамп разговараме со професорот Иван Динев Иванов кој предава на Универзитетот во Синсинати. Професорот смета дека правосудниот систем ќе го спречи Трамп во намерата да ги депортира студентите кои протестирале за состојбата во Газа.
-
Анализа на првите 100 дена од владеењето на Трамп – Како до фер избори во Србија
Јавување на Џалиса Дугро од САД и интервју со лидерот на Нова Демократска партија, Милош Јовановиќ.
Помина првите 100 дена од преземањето на Трамп на Белата куќа, а веќе се соочува со протести низ цела Америка. Зголемени царини за огромен број држави, контроверзна имиграциона политика и неможност да ја заврши војната во Украина се дел од политиките кои ги одбележаа првите 100 дена од претседателствувањето на Трамп. Царините кон соседна Канада предизвикаа пад на Владата на Трудо, а Канаѓаните го избраа поранешниот Гувернер на Народната банка, Марк Карни за нов Премиер кој ќе се справува со економската криза. На овие теми разговараме со репортерката од Флорида, Џалиса Дугро.
Во оваа епизода, го споделуваме и интервјуто со лидерот на Нова Демократска партија Во Србија, Милош Јовановиќ кое го направивме на протестите во Ниш. Јовановиќ е и пратеник во српскиот Парламент и поддржувач на протестите. Разговаравме за моменталната состојба во Србија, можни решенија за тоа како да се стигне до фер избори и потенцијални коалиции на следниот изборен циклус.
Гледајте ја целата емисија.
-
Профилирањето како алатка во борбата против современиот криминал
Криминалистичкото профилирање во светот е клучот за откривање на непознатите извршители на кривични дела.
Може ли профилирањето како светски прифатена алатка во криминалистиката да помогне во побрзо откривање на непознати сторители и расчистување на бројни кривични дела во овој регион?
Треба ли формализација на профилистиката во рамки на полициско-истражните институции и законски измени со цел имплементирање на овие истражни техники?
За профилирањето како комплот на психолошко-криминалистички техники и неговата примена во регионот и светот, гледајте го новото издание на Лавиринт.
