Српската опозиција бара помош од ЕУ, а Русите ја напуштаат државата за да се спасат од мобилизација.
Коалицијата „Србија против насилство“ ја однесе битката против изборното насилство до Европските институции, а за тоа вредеше штрајкот со глад, вели пратеничката Мариника Тепиќ. Во Лавиринт таа емотивно зборува за цената која целото семејство ја плаќа за нејзината борба против криминал и корупција. Разговараме и за дијалогот Белград – Приштина, за кој не очекува решение додека Александар Вучиќ е на власт, бидејќи смета дека тој е еден од поттикнувачите на проблемот и не може да биде дел од решението. Што се однесува на прашањето за санкции кон Русија, Тепиќ вели дека Србија има евроаспирации и како таква треба да ја усогласи својата надворешна политика со онаа на ЕУ.
Во Лавиринт гостува и новинарот и истражувач, Владислав Иванец, кој не се враќа во Русија за да избегне мобилизација. Тој вели дека граѓанското општество не ја поддржува инвазијата на Украина, а секој кој ќе се осмели да го каже тоа ризикува долги години затвор. Независните медиуми работат исклучиво од егзил. Поради драконските закони на Путин кои етапно се носат уште од 2012 наваму (закон за странски агенти), Иванец вели дека секој во Русија може да биде кривично гонет. Што се однесува до претстојните избори, сосема е извесно дека ќе победи Путин бидејќи кандидатите кои беа против војната беа елиминирани од трката. За последното интервју на Путин, смета дека не му направи услуга пред домашната јавност.
БИ МОЖЕЛО ДА ВЕ ИНТЕРЕСИРА
-
Грузија во постизборен хаос – САД на предизборна крстосница
Анализа на изборите во Грузија и анкета од Флорида за очекувањата на Американците.
Помалку од една недела до најважните американски избори во поновата историја. За Лавиринт, колешката Џалиса Дугро од Флорида разговараше со млади луѓе за нивните ставови и очекувања за претседателските кандидати.
Грузија пак, повторно на нозе по изборите во кои победи владејачката „Грузиски сон“. Народот, опозицијата и меѓународната јавност не ги признаваат резултатите. Унгарскиот Премиер Виктор Орбан е единствениот европски лидер кој се појави со поддшка за грузиските колеги. Разговараме со Екатерине Басилаија – директорка на Центарот за медиумски и социјални истражувања на Грузија за атмосферата во Тбилиси и реакциите по изборите.
Гледајте ја целата епизода.
Post Views: 426 -
-
БЕЗ НИТУ ЕДНО ТВ СООЧУВАЊЕ СО ОПОНЕНТИТЕ – ЕДИ РАМА ОСТАНУВА ПРЕМИЕР
Интервју со новинарот Ардит Хоџа
Албанскиот премиер Еди Рама четврти пат победи на парламентарни избори и останува на чело на албанската Влада. Новинарите во Албанија велат дека победата била очекувана, а она што е неочекувано е освоениот број на пратенички места. Албанија доби зелено светло за отворање на преговорите за влез во ЕУ, но од друга страна Рама го пратеа бројни корупциски скандали во изминатиот период. За изборниот резултат и за очекувањата од старо новата Влада разговараме со новинарот на Евроњуз Албанија, Ардит Хоџа.
Гледајте ја целата епизода.
Post Views: 437