Апсењето на екс Претседателот Мета, мигрантските кампови и ЕУ патот на Албанија во фокусот на овој Лавиринт.
Албанија тргна во жестока борба против корупцијата – вака албанските граѓани гледаат на апсењето на поранешниот Претседател, Илир Мета. Со колегата Арбер Хитај од Репорт ТВ од Тирана, разговараме за апсењето и за довербата во Специјалното Обвинителство. Теми на разговор беа и мигрантскиот камп, како и евроинтеграциите, односно одблокираниот пат на Албанија и балканската тура на Претседателката на Европската Комисија, Урсула Фон дер Лајен која почна токму од Тирана.
По Тирана, Фон дер Лајен го посети Скопје. Од Владата, таа ги уверуваше граѓаните дека проширувањето останува во фокусот на европската агенда. Ниту Претседателката на ЕК Фон дер Лајен, ниту Премиерот Мицкоски не дадоа конкретен одговор на прашањето дали за ЕУ е прифатлив предлогот за одложена имплементација на евентуалните уставни измени.
-
Сирија ослободена од диктаторот, но тероризмот се уште е закана
Интервју со воениот репортер Бад Вичерс
По 13годишна граѓанска војна, речиси без борба падна режимот на Башар ал – Асад во Сирија. Бунтовничката ХТС (Хајат Тахрир ал Шам) ја презема власта и се обидува да направи мирна транзиција. Во меѓувреме, САД, Израел и Турција бомбардираат места кои се упоришта на ИСИС, курдската партија или места за кои постои сомнеж дека има остатоци од хемиското оружје кое го користеше Асад. Во оваа епизода разговараме со воениот репортер, Бад Вичерс од Холандија кој од самиот почеток на востанието во 2011 известува од Сирија. Вичерс има големо искуство во известувањето од Блискиот Исток, а во Сирија известувал од најголемите жаришта и бил во контакт со речиси сите фракции кои се бореа во Сирија. Тој вели дека е добро што конечно падна режимот, но сепак се сомнева од можни терористички жаришта, односно се сомнева дека ХТС ги прекинала сите врски со претходниот “чадор“ Ал Нусра фронт, кој практично беше сирискиот
огранок на Ал Каеда. -
Франција со предизвик да состави Влада – НАТО со нови Декларации
Јавување од Вашингтон и Анализа од Париз
Најголемата воена Алијанса ја одбележа 75 годишнината од своето постоење со Самит во чиј фокус е војната на европско тло. Лидерите на земјите членки се собраа во американската престолнина да ја потврдат заложбата за помош на Украина. Дел од нив, ги искористија маргините на Самитот за средби поврзани со билатерални прашања. Средба на македонскиот и грчкиот премиер не се случи, а новинарските кулоари велат дека немало интерес на големите сили да дискутираат за вакви прашања во рамки на Самитот. Од прес собата во Вашингтон ја вклучуваме воената репортерка и коресподент за висока политика од Романија, Кристина Чилеаку. Освен што Алијансата ги потврди заложбите за помош на Украина, Чилеаку не информира и за останатите договорени стратешки определби, како декларирање на Кина за земја помагач на руската агресија. Ја замоливме Чилеаку да ги проследи и средбите на македонскиот премиер.
Од француската престолнина пак, разговараме со советник во француското Собрание на теми поврзани со големиот пресврт кој се случи на изборите. Советникот Матијас Васкез од редовите на партијата на Макрон зборува за расположението на гласачите и за постапките на партиите кои водеа до ваков пресврт. Во моментов, главниот предизвик со кој се соочува Франција е изборот на премиер, за кој се чини дека победничката коалиција има потешкотии да го избере. Васкез е добар познавач на македонските и балканските состојби со оглед на фактот дека претходно бил на мисии во овие земји, па го искористивме ова јавување за да го прашаме и за мислење за францускиот предлог кој се наметна по бугарските најави за вето.
Погледнете ја целата емисија.
-
Жителите на ЕУ гласаат за својата иднина – Балканот останува во чекалиштето
Каков курс ќе заземе новата политичка гарнитура во ЕУ?
Соседите на Македонија повторно ја користат земјава за внатрешно политички цели, Европската Унија во изборен процес кој многу ги подели жителите на Унијата, новата европска гарнитура ја чекаат уште поголеми предизвици, воените жаришта се уште го делот светот – на овие теми во Лавиринт разговараме со политикологот Виктор Јакимовски.
