Иванец за борбата за граѓаните и драконските закони на Путин
Во Лавиринт гостува и новинарот и истражувач, Владислав Иванец, кој не се враќа во Русија за да избегне мобилизација. Тој вели дека граѓанското општество не ја поддржува инвазијата на Украина, а секој кој ќе се осмели да го каже тоа ризикува долги години затвор. Независните медиуми работат исклучиво од егзил. Поради драконските закони на Путин кои етапно се носат уште од 2012 наваму (закон за странски агенти), Иванец вели дека секој во Русија може да биде кривично гонет. Што се однесува до претстојните избори, сосема е извесно дека ќе победи Путин бидејќи кандидатите кои беа против војната беа елиминирани од трката. За последното интервју на Путин, смета дека не му направи услуга пред домашната јавност.
-
Пораката на српските студенти стигна до Парламентот во Стразбург – На ред е Брисел
Разговор со еден од велосипедистите кои извозеа 1500 километри
Велосипедистите кои возеа преку половина Еворпа за да достават порака до Европскиот Парламент во Стразбург, се вратија дома. Уште еден спектакуларен дочек им беше организиран во Нови Сад, по оние кои се случија во големите европски градови. Во овој Лавиринт го вклучуваме Вељко од техничкиот факултет во Нови Сад да ни раскаже за пораката која им беше предадена на европарламентарците и да ни ги пренесе искуствата од долгиот пат. Следен голем подвиг на српските студенти ќе биде трчање до Брисел.
-
Генерал Арсоски за потенцијалните разврски на активните војни
Анализа со Генерал Арсоски за македонските односи со соседите и за глобалните воени играчи
Гостин во ова издание на Лавиринт е Генерал Мајор Павле Арсоски кој на последните избори беше избран и за пратеник во македонското Собрание од редовите на новата политичка партија ЗНАМ. Разговаравме за идните чекори на македонската Влада во однос на почитувањето на меѓународните договори, како и за односите меѓу коалиционите партнери. Генералот вели дека околу почитувањето на меѓународните договори веќе се е јасно, а тоа е дека договорите ќе се почитуваат онаму кадешто треба, а Владата ќе вложи големи напори за да ги подобри добрососедските односи.
Со Генералот Арсоски разговаравме и за регионалните отворени прашања, како и за активните воени жаришта и можноста за нивно завршување. Генералот Арсоски го повтори ставот дека нападната страна има право да се брани, а крајот на двете активни војни го гледа во многу блиска иднина. За новиот Генерален Секретар на НАТО, Руте смета дека е одличен избор за Алијансата.
Погледнете го цело интервју.
-
Профилирањето како алатка во борбата против современиот криминал
Криминалистичкото профилирање во светот е клучот за откривање на непознатите извршители на кривични дела.
Може ли профилирањето како светски прифатена алатка во криминалистиката да помогне во побрзо откривање на непознати сторители и расчистување на бројни кривични дела во овој регион?
Треба ли формализација на профилистиката во рамки на полициско-истражните институции и законски измени со цел имплементирање на овие истражни техники?
За профилирањето како комплот на психолошко-криминалистички техники и неговата примена во регионот и светот, гледајте го новото издание на Лавиринт.
