Идит Охел: Од видео на Хамас видов дека мојот син е киднапиран, а неговите другари убиени.
Идит Охел, мајка на 23 годишниот Алон кој беше киднапиран од музичкиот фестивал на 7ми октомври од страна на Хамас, во Лавиринт раскажува за агонијата во која живее половина година откако нејзиниот син е во заложништво. Таа вели дека половина година не знае апсолутно ништо за нејзиниот син. Алон е надежен пијанист и има двојно, израелско и српско државјанство, а неговата мајка вели дека ја контактирала српската Влада да помогне некако. Идит раскажува за страшниот 7ми октомври, за нејзиниот син и напорите на семејствата да си ги вратат најблиските.
-
Димитрова: Сите ја поддржаа кандидатурата на Захариева за ЕК
Разговор со новинарката Димитрова за состојбите во Бугарија и македонското прашање.
Бугарија се наоѓа пред седмите парламентарни избори и веќе три години е во политичка криза поради неможноста да избере стабилна Влада. Во предизборието, Македонија уште повеќе е дел од реториката на политичките претенденти и се чини како тоа да е единствената точка по која тие се согласуваат.
Гостинка во ова издание на Лавиринт е новинарката Тоња Димитрова од Националниот сервис со која разговаравме не само за изборите, туку и за одлуките на Европскиот суд за човекови права кои Бугарија не сака да ги спроведе, Уставните измени кои ги бараат од нас, како и за проблемите кои Захариева ги има во политичката кариера кон европските институции.
Гледајте ја целата епизода.
-
Грузија во постизборен хаос – САД на предизборна крстосница
Анализа на изборите во Грузија и анкета од Флорида за очекувањата на Американците.
Помалку од една недела до најважните американски избори во поновата историја. За Лавиринт, колешката Џалиса Дугро од Флорида разговараше со млади луѓе за нивните ставови и очекувања за претседателските кандидати.
Грузија пак, повторно на нозе по изборите во кои победи владејачката „Грузиски сон“. Народот, опозицијата и меѓународната јавност не ги признаваат резултатите. Унгарскиот Премиер Виктор Орбан е единствениот европски лидер кој се појави со поддшка за грузиските колеги. Разговараме со Екатерине Басилаија – директорка на Центарот за медиумски и социјални истражувања на Грузија за атмосферата во Тбилиси и реакциите по изборите.
Гледајте ја целата епизода.
-
Курти пред две сценарија – Коалиција со опозицијата или со малцинствата
Лавиринт во Косово
Партијата на Албин Курти, Самоопределување доби најмногу гласови на косовските редовни парламентарни избори. Ова се први редовни избори од осамостојувањео на Косово во 2008. Актуелниот премиер ќе мора да направи коалиција ако сака да ја заджи премиерската фотелја. Аналитичарите со кои разговаравме велат дека Курти има две опции, или коалиција со опозицијата или со малцинствата. Преговорите допрва почнуваат. Во кампањата која помина мирно, фокусот на политичарите претежно беше на етничките прашања, а фокусот на народот, сепак е на реалните општествени проблеми како економијата, отселувањето и корупцијата. За сите овие прашања, како и за меѓународните односи на Косово под водство на Албин Курти, разговараме со новинарката Вјоса Черкини во Приштина. Во Митровица раговаравме со политичкиот аналитичар Неџмедин Спахиу и во Северна Митровица ги прашавме граѓаните што мислат за овие избори.
