Интервјуа со Високиот претставник на ОН за Газа, Џејми Голдрик и со претставник на Цевениот Крст во Рафа, Хишам Мхана
Состојбата на цивилите во Газа е и повеќе од алармантна. Во Појасот не се дозволува влез на новинари, па само локалците кои се често без струја и интернет и хуманитарците кои останаат таму да помагаат, можат да ни дадат некаква слика и точна информација за тоа што се случува таму.
Хуманитарниот координатор на Обединети Нации за Палестина, Џејми МекГолдрик во Лавиринт ни раскажа во каква состојба ги затекнал бебињата во болницата во Газа и какви напори прават за да обезбедат нови рути за хуманитарните кордони, како и напорите да се изградат цевководи за целосно решавање на проблемот со недостаток на вода.
Во Лавиринт го вклучуваме и претставникот на Црвениот Крст од Рафа, Јужна Газа, Хишам Мхана со кого разговаравме за нивните хуманитарни акции внатре во Газа, за обидите да се спојат евакуираните деца со нивните родители и условите во кои живеат повеќе од милион луѓе.
-
Трамп ја презема функцијата – Во Газа расте оптимизмот за траен мир
Јавувања од САД и Газа
Доналд Трмп и официјално ја презема функцијата Претседател на САД. Инаугурацијата заврши со сензационалистичко потпишување бројни одлуки кои имаат и меѓународни импликации. Една од нив е и повлекувањето од Парискиот климатски договор. Од САД ја вклучуваме репортерката Јалиса Дугро со анализа на инугуративниот ден на Трамп.
Во Газа пак, се слави прекинот на огнот и растат надежите за траен мир. Хуманитарна помош почна да пристигнува во појасот, а првите заложници веќе беа разменети. Викендов се очекува да се случи и втората размена. Од централна Газа ни се вклучува новинарот Ракан Абед Ел Рахман со кого разговараме за состојбата таму по долго бараниот прекин на огнот.
-
Кравчук: Целта ни е Путин да сфати дека нема да бидеме „сива зона“ меѓу НАТО и Русија
Интервју со украинската пратеничка Јевгенија Кравчук која беше и набљудувач на изборите во САД
Дали и како ќе се спроведува Планот за Победа на украинскиот Претседател, Володимир Зеленски? Што значи враќањето на Трамп во Овалната канцеларија за Украина? На овие теми разговараме со украинската пратеничка, Јевгенија Кравчук која беше и набљудувач на изборите во САД. Пратеничката цврсто верува во победата на Украина и вели дека нејзината земја во изминатите три години работеше многу на производство на свое оружје, но сепак очекува сојузниците и понатаму да ја поддржуваат Украина. Разговаравме и за желбата на Украина да се приклучи на НАТО, како и за евентуалните преговори на високо ниво и можно учество на рускиот Претседател Владимир Путин на следната мировна конференција.
-
Грузија во постизборен хаос – САД на предизборна крстосница
Анализа на изборите во Грузија и анкета од Флорида за очекувањата на Американците.
Помалку од една недела до најважните американски избори во поновата историја. За Лавиринт, колешката Џалиса Дугро од Флорида разговараше со млади луѓе за нивните ставови и очекувања за претседателските кандидати.
Грузија пак, повторно на нозе по изборите во кои победи владејачката „Грузиски сон“. Народот, опозицијата и меѓународната јавност не ги признаваат резултатите. Унгарскиот Премиер Виктор Орбан е единствениот европски лидер кој се појави со поддшка за грузиските колеги. Разговараме со Екатерине Басилаија – директорка на Центарот за медиумски и социјални истражувања на Грузија за атмосферата во Тбилиси и реакциите по изборите.
Гледајте ја целата епизода.
