journalist

Анализи на конфликтините зони и искуства од воените жаришта

Серија интервјуа за кризните подрачја и лични искуства на новинари и хуманитарци - Сима Џилани, Мајкл Боцјуркив, Аделин Пертисор и Гиорги Долидзе во овој Лавиринт.

Оваа недела Лавиринт во Тбилиси на еден од најголемите новинарски настани – ЗЕГ фестивалот. Имавме прилика да поразговараме со новинари од целиот свет за актуелните состојби во нивните држави. Ви претставуваме серија интервјуа за државите кои во моментов се глобални вести.

Поразговаравме со една од главните говорнички на настанот, докторка која го посветува животот на лечење деца во најзагрозените места во светот, Сима Џилани. Разговаравме за големата хуманитарна катастрофа која ни се случува пред очи, Појасот Газа и за тоа како може да се помогне на луѓе отсечени од секаква помош. Сима го сподели и личното искуство за тоа какво е mчувството да се лекува сопственото дете повредено во експлозија во Бејрут.

Војната во Украина се уште беснее, а по доаѓањето на власт на американскиот Претстедател Доналд Трамп, се чини дека руските напади на украинската престолнина се зачестени. Во меѓувреме, на Блискиот Исток, Израел и Иран жестоко се напаѓаат. За состојбата во Украина и за актуелните жаришта на Блискиот Исток разговараме со аналитичарот од Атлантскиот Совет кој редовно анализира за СиЕнЕн и останатите глобални медиуми, Мајкл Боцјуркив.

На настанот имавме прилика да поразговараме и со колегата Аделин Пертисор од јавниот сервис на Романија кој е еден од најискусните воени репортери. Известувал од војните на Блискиот Исток, Африка, како и од балканските конфликти и имал прилика да направи интерјуа со голем број лидери, но и со озлогласени милитанти како Жељко Ражњатовиќ – Аркан. Секако, разговаравме и за состојбата во Романија по поништените избори кога Уставниот суд препозна руско влијание во изборниот процес.

Откако Грузија доби нов проруски Претседател кој наметна низа недемократски закони, Грузијците протестираат секој ден. Слободата на медимите и дејствувањето на граѓанскиот секторсе под напад, а новинарите и граѓаните се соочуваат со затворски казни. Разговараме со грузискиот колега Гиорги Долидзе за тоа што се случува во неговата држава.

Гледајте ја целата епизода.

Српските студенти пишуваат историја – Нерегуларности при изборот на РЕМ, продолжува линчот врз новинари и активисти

ФОКУС НА СРБИЈА

Српските студенти не се откажуваат од блокади. По 24 часовната блокада на белградска Автокоманда, викендов ќе се блокира Нови Сад. Поминаа три месеци од страшната несреќа која однесе 15 животи и исто толку од блокадите на студентите кои ја разбудија цела Србија.

Во ова издание на Лавиринт разговараме со професорката од Правниот факултет во Белград, Александра Крстиќ која беше и кандидатка за член на РЕМ, регулаторното тело за надзор на електронските медиуми, но заедно со уште 6 професори ги повлекоа своите кандидатури поради бројни нерегуларности во процесот.

Разговараме и со колегата новинар, Никола Крстиќ кој е еден од новинарите кој се соочува со јавен линч и етикетирање од страна на провладини таблоиди.

Брондони за штрајкот на новинарите на РАИ: Не сме навикнати на цензура

Интервју со италијанската новинарка и писателка, Кристина Брондони

Гостинка во ова издание на Лавиринт е новинарката и писателка од Италија, Кристина Брондони. Разговаравме за политиката на италијанската Влада кон политиката за проширување на ЕУ, поддршката на Укрина, како и за интересот на Италијанците за претстојните избори на Унијата. Брондони вели дека Владата на Мелони ја задржа политиката на поддршка за Украина и поддршка за проширувањето на Унијата, особено за влезот на Албанија, со оглед на пријателските односи на премиерката Мелони со премиерот Рама. Што се однесува до претстојните европски избори, Брондони вели дека тие повеќе интерес за нив имаат политичките партии во Италија отколку народот кој смета дека домашните проблеми се поважни. Разговаравме и за медиумите во Италија, штрајкот на новинарите на јавниот сервис за цензура од Владата на Мелони, како и за неговата структура.

Јавување од Газа и анализа на глобалните политичко воени одлуки

Поглед на состојбата во Газа и политичките потези на глобалната шаховска табла.

Scroll to top