Правна анализа на одлуката на Меѓународниот кривичен суд и постапките пред македонските судови.
Меѓународниот кривичен суд издаде налог за апсење на израелскиот премиер Бенјамин Нетанјаху, неговиот министер за одбрана и тројча челници на Хамас. Што тоа значи, кој би го уапсил Нетанјаху, но и каде е безбеден од кривичен прогон, разговараме со адвокатот Јасмин Калач. Калач не верува дека израелскиот премиер би патувал во држави потписници на Римскиот статут за да не биде приведе. Аргументот на Израел дека оваа одлука ги поистоветува двете страни не е издржана, смета адвокатот и вели дека судот донел ваква одлука затоа што не е селективен. Во меѓувреме, Шпанија, Ирска и Норвешка ја признаа палестинската држава.
Разговаравме и за двата правни процеси кои во моменов се водат во Македонија: Притворот за Врховниот судија Георгиев за земање поткуп, како и екстрадицијата на осомничениот за двојно убиство Палчо и почетокот на неговото судење. Погледнете ја целосната анализа.
-
Три години војна – Дали Украина ќе се откаже од ретките минерали за да ја завршивојната?
Расте притисокот за преговори
Точно три години од почетокот на војната во Украина. По доаѓањето на власт на американскиот претседател Доналд Трамп, комплетно се промени поддршката на САД кон Украина и се зголеми притисокот за почнување мировни преговори. За тоа дали Украинците се подготвени да се откажат од ретките минерали и да ги исполнат барањата на Трамп, како и за јавното мислење во Украина за притисокот од САД, разговараме со Олена Халушка од Киев, ко-основач на Меѓународниот центар за украинска победа.
-
Анализа на првите 100 дена од владеењето на Трамп – Како до фер избори во Србија
Јавување на Џалиса Дугро од САД и интервју со лидерот на Нова Демократска партија, Милош Јовановиќ.
Помина првите 100 дена од преземањето на Трамп на Белата куќа, а веќе се соочува со протести низ цела Америка. Зголемени царини за огромен број држави, контроверзна имиграциона политика и неможност да ја заврши војната во Украина се дел од политиките кои ги одбележаа првите 100 дена од претседателствувањето на Трамп. Царините кон соседна Канада предизвикаа пад на Владата на Трудо, а Канаѓаните го избраа поранешниот Гувернер на Народната банка, Марк Карни за нов Премиер кој ќе се справува со економската криза. На овие теми разговараме со репортерката од Флорида, Џалиса Дугро.
Во оваа епизода, го споделуваме и интервјуто со лидерот на Нова Демократска партија Во Србија, Милош Јовановиќ кое го направивме на протестите во Ниш. Јовановиќ е и пратеник во српскиот Парламент и поддржувач на протестите. Разговаравме за моменталната состојба во Србија, можни решенија за тоа како да се стигне до фер избори и потенцијални коалиции на следниот изборен циклус.
Гледајте ја целата емисија.
-
Студентскиот едикт ја донесе цела Србија во Ниш
Репортажа од големиот собир на 1ви Март – Втор дел
Градот Ниш никогаш не бил погласен. Буквално сите улици беа исполнети со луѓе дојдени од цела Србија да ги поддржат студентите кои бараат правда за страшната несреќа која одзеде 15 животи. По петдневното пешачење, студентите имаа сила цели 18 часа да стојат на нишките улици. Граѓаните им се придружија бидејќи, како што велат, барањата на студентите се барања на народот. Атмосферата беше многу емотивна, а прегратките беа честа глетка низ улиците. Студентите имаа културна програма, спортски и друштвени активности, а во главниот дел го прочитаа студентскиот едикт по што следеше и музичка програма. Градот беше полн до полноќ и потоа исчистен од страна на студентите и граѓани кои доброволно останаа да им помогнат.
Гледајте ја целата репортажа.
