Косово ќе влезе во Советот на Европа, Бих доби зелено светло од ЕК
Спорот Белград Приштина и состојбата во Босна и Херцеговина се точките на Балканот за кои, според последниот разузнавачки извештај објавен во јавност, постои загриженост кај западните партнери. Се засилија дипломатските напори да се решат барем дел од отворените прашања. Високи претставници на САД и ЕУ во посета на Приштина со препораки, но и со услови. Владата на Курти нареди враќање на земјиштето на манастирот Високи Дечани, а за возврат ќе добие членство во
Советот на Европа. На овие теми, во Лавиринт зборува новинарот Илир Ајдини од Приштина. Босна и Херцеговина пак, добија зелено светло од Европската Комисија, но останува та препорака да го помине и Советот на самит закажан за 21 и 22 март. Со новинарката Адиса Имамовиќ од Сараево разоваравме за очекувањата на граѓаните, за непостоењето можност за договор меѓу политичките актери во БиХ, но и за политичките потези на Милорад Додик кои одат во насока на дестабилизација на и онака кревката состојба во Восна и Херцеговина.
-
Жени лидерки за обнова на Украина – Студенти за правда во Србија
Јавување од Киев и разговор за српските студентски блокади
Трета Нова Година Украинците ќе ја пречекаат со војна. Состојбата на фронтовите нема големи изгледи да се промени без политчко решение, но затоа активностите за правење планови за обнова на државата во поствоениот период, стануваат се поистакнати. Од Украина ја вклучуваме Ирина Дробович, основач на фондацијата The Day After со која разговараме за потребата однапред да се испланира и инспирира обновата на Украина.
Во Србија пак, протестите се масивизираа откако студентите од сите факултети стапија во блокада. Тие добија поддршка од професорите, а по нив почна да блокира и средношколскиот Сојуз. Нашиот режисер Леонид Велковски кој студира на Новосадскиот факултет исто така е гостин во денешното издание на Лавиринт. Разговараме за активностите и за барањата на српските студенти.
-
Припадничките на ТИГАР инспирација за многу девојки
Специјално осмомартовско издание на лавиринт.
Ја посетивме касарната Илинден каде разговаравме со припадничките на Специјалната Антитерористичка Единица Тигар.
Овие жени ги кршат бариерите дека безбедносниот сектор е машка работа. -
Три години војна – Дали Украина ќе се откаже од ретките минерали за да ја завршивојната?
Расте притисокот за преговори
Точно три години од почетокот на војната во Украина. По доаѓањето на власт на американскиот претседател Доналд Трамп, комплетно се промени поддршката на САД кон Украина и се зголеми притисокот за почнување мировни преговори. За тоа дали Украинците се подготвени да се откажат од ретките минерали и да ги исполнат барањата на Трамп, како и за јавното мислење во Украина за притисокот од САД, разговараме со Олена Халушка од Киев, ко-основач на Меѓународниот центар за украинска победа.
