Нашата цел е да внесеме свежина во медиумскиот простор преку креирање исклучиво авторски емисии. Ова не е платформа која ќе ве „бомбардира“ со сирови вести кои ги читате насекаде, туку напротив. Во ЛАВИРИНТ ќе понудиме аналитичко новинарство за подобро разбирање на надворешните состојби, со ВЕЛЕНОВЕЛА ќе ве смееме (и тоа со факти), а со првото балканско претприемачко шоу THE FOUNDER GAMES ќе покажеме дека реалното шоу освен што е забавно, може да биде и паметно, инспирирачко и охрабрувачко. Освен тоа, оваа интернет телевизија ќе биде простор за изразување на балканските креативци и нивно вмрежување.